II SEMINARIO SOBRE A XESTIÓN INTEGRADA DE ZONAS COSTEIRAS: A COOPERACIÓN ENTRE GRUPOS DE ACCIÓN COSTEIRA E OS GRUPOS DE DESENVOLVEMENTO RURAL.

Este luns 13 de decembro, na Confraría de Pescadores de Sada terá lugar o II Seminario sobre Xestión Integrada de Zonas Costeiras. Nesta ocasión o tema a tratar será "A Cooperación entre os Grupos de Acción Local e os Grupos de Desenvolvemento Rural: Estratexias de Valorización e Territorios Rurais do Litoral".

Neste seminario participarán técnicos dos Grupos de Acción Costeira das Zonas da Mariña- Ortegal, Golfo Ártabro e Costa da Morte, e dos Grupos de Desenvolvemento Rural de Costa da Morte, Bergantiños, Mariñas -Betanzos, EuroEume, e Costa Noroeste.

Nesta xornada tratarase as estratexias dos grupos en ámbitos como a comercialización de produtos locais, o turismo, e o medio ambiente, e a cooperación entre as entidades para a consecución de sinerxias.