Onte tivo lugar a Xornada sobre "Xestión Integrada das Zonas Costeira" organizada pola Confraría de Pescadores de Sada

A Confraría de Sada organizou a xornada sobre Xestión Integrada das Zonas Costeiras, en colaboración co Ceida, no Castelo de Sta Cruz. A Xornada foi inaugurada polo Patrón Maior da Confraría de Sada, Andrés García Boutureira, o concelleiro de Obras Públicas, Rodrigo López Piquín e Director do Ceida, Carlos Vales.

Nesta Xornada disertouse sobre ampliación da Rede Natura 2000 ás areas Costeiras e mariñas, realizada polo director xeral de Conservación a Natureza da Consellería de Medio Ambiente, Territorio e Infraestructuras.  Rogelio Fernández, sinalou entre outras apuntes que hai  na nova proposta de ampliación da Rede Natura a Zonas Mariñas no Territorio do Golfo Ártabro esta ampliación sería na costa de Ares e Mugardos, a Costa de Narón e a Costa de Arteixo.

Ver:

Proposta de Ampliación de Rede Natura 2000 de Galicia ANEXO I Cartografía dos LIC ampliados

Proposta de Ampliación de Rede Natura 2000 de Galcia ANEXO II Cartografía dos Novos LIC

Dende a Demarcación de Costas de Galicia, o seu responsable Rafael Eimil sinalou os aspectos máis salientables do Anteproxecto de lei de modificación da lei 22/1988, de juliode Costas, respecto a lei vixente.

Proxecto de lei de protección e uso sostible do litoral e de modificación da lei 22/1988, de jullo de Costas

Dende o Instituto de Estudos do Territorio, o seu responsable Manuel Borobio presentou o Plan de Ordenación do Litoral de Galicia, centrouse na metodoloxía realizada para elaborar o dito plan.
Plan de ordenación do Litoral de Galicia 

A xornada rematou coa conferencia conferencia de Elena Vázquez da Fundación Lonxanet para pesca Sostible, que falou sobre a Pesca Artesanal no ámbito da Conferencia das Nacións Unidas sobre Desenvolvemento Sostible, Río + 20, onde promoveu ás Reservas Mariñas de Coxestión cos pescadores.