O 2 de
febreiro de cada ano celébrase o Día Mundial dos Humidais, que conmemora
a data na que se adoptou a Convención sobre os Humedais, o 2 de febreiro de
1971.
A misión da
Convención é "a conservación e o uso racional das zonas húmidas mediante
acción locais e nacionais e, grazas á cooperación internacional, como
contribución ao logro dun desenvolvemento sostible en todo o mundo".
As zonas
húmidas están entre os ecosistemas máis diversos e produtivos, proporcionan
servizos esenciais e subministran toda a nosa auga potable. Non obstante,
continúa a súa degradación e conversión para outros usos. Máis do 64 % de
todos os humidais da Terra foron destruídos desde o ano 1.900 ata hoxe, e os organismos
de auga doce inclúen algúns dos grupos de seres vivos máis ameazados de
extinción.
Por este motivo, desde 1997, organismos oficiais, organizacións non gobernamentais e grupos de cidadán, teñen aproveitado esta data como a oportunidade para realizar actos e actividades encamiñadas a aumentar a sensibilización do público en xeral acerca dos valores das zonas húmidas e os beneficios que reportan en xeral. O lema deste ano é:
Humidais para
o noso futuro – ¡Únete a nós!
2015 busca
alentar á mocidade a que teñan un contacto directo coas zonas húmidas, e a
organización Ramsar organiza un concurso fotográfico para xente nova,
entre 15 e 24 anos, de todo o mundo. Pódense enviar fotografías de zonas
húmidas entre o 2 de febreiro e o 2 de marzo de 2015, para ter a oportunidade
de gañar unha viaxe de balde a unha zona húmida en calquera lugar do mundo.
Máis
información: http://www.worldwetlandsday.org/es/photo-contest
Ademáis, como
en anos anteriores, o CEIDA pon á súa disposición os fondos existentes no seu
Centro de Documentación Ambiental, así como os seus servizos de préstamo e
consulta, e que pode consultar a través da seguinte ligazón:
No hay comentarios:
Publicar un comentario